Icelandic Fiction

Amaya, Connor og Greg eru að reyna að gera heimsins stærstu eggjaköku... en skyndilega eru öll eggin horfin! Þau geta heldur ekki fundið leikfangabílinn hans Greg, hljóðfæri skólans né skólarútuna... hver stendur á bakvið þetta allt saman? Og eins og þetta sé ekki nóg, stelur einn af skúrkunum röddum hetjanna! En PJ Masks gefast aldrei upp! Catboy, Gekko og Owlette munu sigra Romeo, Luna og Night Ninja með aðstoð kattarbílsins, gekkóbílsins og ugluflaugarinnar. Spenntu á þig beltið og vertu viðbúinn fyrir þriggja mínútna sögur sem henta vel rétt fyrir svefninn.

"Klara og Rósa eru bestu vinkonur. Þær eiga vinkonuhálsmen og ætla báðar að vera prinsessur á grímuballinu í frístundinni. En svo byrjar Júlía í skólanum þeirra og þá verða skyndilega miklar breytingar hjá Klöru. Þetta er fyrsta bókin í hinni vinsælu bókaröð um Klöru og vinkonur hennar. Bækurnar fjalla um vináttuna, skólann og það að verða eldri. Þær mæta lesandanum í veruleika hans. Bækurnar má lesa sjálfstætt, óháðar hver annarri." Line Kyed Knudsen (f. 1971) kom fyrst fram sem höfundur barna- og ungmennabóka árið 2003.

Á einu augabragði var framtíð Matts Hunter þurrkuð út: Slagsmál, vinur í klemmu, og brestur í höfuðkúpu sem skall á steinsteypu. Fyrir þetta þurfti hann að gjalda fjögur ár i fangelsi og brot af sjálfum sér. Þegar honum er sleppt er hann eldri og skynsamari. Hann fær gott starf og gengur að eiga dásamlega konu. Einn dag fær hann sendar undarlegar myndir af eiginkonu sinni með ókunnum karlmanni, allt í einu er hann hundeltur af lögreglu sem einu sinni var skólafélagi hans. Nú er einhver á hælum hans sem ógnar öllu því sem hann hefur streðað til þess að eignast.

Jódís er fátæk systir í Hjálpræðishernum, sem er komin nálægt dauðans dyr eftir baráttu við lungnabólgu. Í langan tíma hefur líf hennar gengið sinn vanagang en þegar hún byrjar að missa styrk er hún send á heilsuhæli. Þegar hún áttar sig á því að hún eigi ekki langt eftir, biður hún um að fá að hitta Davíð Hólm, alkóhólista sem vinnur í fátækrahverfinu.

Lítill strákur vaknar í miðjum skógi. Hann hefur enga hugmynd um hver hann er eða hvernig hann komst þangað. Með hjálp manna og dýra og sverðs sem býr yfir sérstökum krafti kemst þessi ronin í gegnum mörg ævintýri. Þegar lítið þorp þarfnast verndar hans verður hann að læra að berjast með sæmd fyrir bændurna sem hann þarf að bjarga og fyrir sjálfan sig.

Smásögurnar í þessu safni eftir Davíðs Þorvaldsson eru: Björn formaður, Árni munkur, Skógarinn litli frá Villefranche-sur-mer, Veðmálið, Skólabræðurnir og Úr dagbók vinar, en bókina tileinkað hann móður sinni eftir andlát hennar. Bókin fékk mjög góða dóma á Íslandi og var því haldið fram að höfundur hefði einstaka innsýn í sálarlíf manna.

Dag einn heyra PJ Masks Romeo vinna að því sem hann kallar bestu uppfinningu sína fram að þessu og þau vilja fá að vita hvað það er. Svo hitta þau PJ vélmennið! Hvernig getur svona lítið og sætt vélmenni verið verk illmennis? Hverjar eru fyriráætlanir Romeo? Þegar Catboy, Gekko og Owlette uppgötva risastóra fjarstýringu, grunar þau ekki að þetta er allt risastór gildra. Vertu með ofurhetjunum að leysa mál PJ vélmennisins.

Sönn frásögn af skúrki, eiturlyfjasala og neytanda, glæpamanni sem snéri við blaðinu og notar núna reynslu sína úr undirheimum Montreal til að helga líf sitt hjálparstarfi og mannúðarmálum. Maðurinn sem veit allt um neikvæð áhrif styrjalda og átaka. Marc Vachon er fæddur í Montreal árið 1963. Hann var yfirgefinn af móður sinni sem ungabarn. Munaðarleysingi sem þekkti aldrei foreldra sína. Ólst upp við slæm kjör í Montreal, götustrákur og glæpamaður. Eins og tekið upp úr sögu eftir Charles Dickens. Fyrir tilviljun kynntist hann starfsemi Lækna án landamæra og snéri við blaðinu.

Á morgun á Greg afmæli! Hann hefur skipulagt eðluveislu með köku og blöðrum. Allt í einu er kakan horfin! Það lítur út fyrir að einhver hafi stolið henni! Greg breytist í Gekko og tekur Owlette og Catboy með sér til að finna þjófinn. Mun þeim takast að bjarga deginum? Komdu með Catboy, Gekko og Owlette í ofurhetjuævintýri! Sigldu inn í nóttina í kattarbílnum, ugluflauginni eða gekkóbílnum til þess að koma í veg fyrir að Romeo, Luna Girl, Night Ninja, Úlfakrakkarnir og öll hin illmennin taki yfir borgina.

Hvað er ást? Hvað þarf til þess að elska? Láttu ástkæru sögupersónurnar hans Hans Christian Andersen sýna þér hvernig ást getur verið, hvað þarf til að elska og hvernig ást getur birst á ólíka máta. Safn fyrir forvitna og samúðarfulla, unga og fullorðna lesendur. Safnið inniheldur eftirfarandi ævintýri: Hafmeyjan litla, Ljóti andarunginn, Móðirin, Tindátinn staðfasti. H.C. Andersen (1805-1875) er eitt þekktasta skáld Danmerkur. Eftir hann liggja á fjórða þúsund ævintýra sem þýdd hafa verið á meira en 125 tungumál.

Í ævintýrinu um Systkinin fjalla Grimmsbræður um örlög ungra systkina sem búa með föður sínum og göldróttri stjúpu. Þau eiga sér þá ósk að komast út og upplifa hina víðu veröld en stjúpan sér við þeim og leggur yfir þau bölvun. Ævintýri Grimmsbræðra eru löngu orðin þekkt um allan heim enda verið þýdd á fleiri hundruð tungumál. Þjóðsögur Grimmsbræðra hafa tekið töluverðum breytingum í aldanna rás án þess þó að missa upprunalegan boðskap sinn.

Fátæk þjónustustúlka er á ferð um skóginn með húsbóndum sínum þegar ræningjar ráðast á þau. Þjónustustúlkan kemst undan en villist í þykkum skóginum. Kemur þá aðvífandi hvít dúfa sem færir henni lítinn gylltan lykil. Lykillin gengur að stóru tré þar sem stúlkan getur borðað allt sem hana langar í. Dúfan færir henni nýjan lykil að öðru tré og stúlkan nýtur þeirra lystisemda sem þar er að finna. Dag einn biður dúfan stúlkuna um að gera sér greiða. Hún biður stúlkuna um að finna hring hjá gamalli konu í skóginum.

Í ævintýrinu um Stjörnudalina kynnumst við lítilli fátækri munaðarlausri stúlku sem sér aumur á samferðarfólki sínu og gefur frá sér það litla sem hún á þar til hún stendur uppi allslaus. Stúlkunni er launað örlæti sitt enda sælla að gefa en þiggja eins og segir í orðatiltækinu. Ævintýri Grimmsbræðra eru löngu orðin þekkt um allan heim enda verið þýdd á fleiri hundruð tungumál.

Klaufa-Bárður var yngstur þriggja bræðra. Eldri bræðurnir tveir stríddu honum og skildu hann útundan. Eitt sinn, þegar eldiviðinn þvarr í kotinu, voru eldri bræður Bárðar sendir út í skóg til að sækja meira en báðir komu þeir tómhentir tilbaka. Bauðst þá Klaufa-Bárður til að fara út í skóg og sækja eldivið. Hefst þá mikil ævintýraför Klaufa-Bárðs þar sem kemur við sögu gamall maður, gullgæs ásamt konungi sem á sér þá ósk heitasta að koma dóttur sinni til að brosa og lofar hverjum þeim sem tekst það að giftast henni.

Í draugasögunni um Tvíeyringinn segir frá aðkomumanni sem segist sjá barn ganga þegjandi um stofu hjónanna hvar hann er gestkomandi. Í fyrstu þekkja húsráðendur ekki til barnsins en átta sig fljótlega á því hver þarna gæti verið genginn aftur. Ævintýri Grimmsbræðra eru löngu orðin þekkt um allan heim enda verið þýdd á fleiri hundruð tungumál.

Í ævintýrinu um Ríka manninn og fátæklinginn segir frá því þegar Drottinn, sem þá ferðaðist um meðal manna í jarðríki, fer í dulargervi og biður ríkan mann um næturgistingu. Sá ríki sér ekki fært um að hýsa Drottinn og vísar honum á dyr. Drottinn bankar þá upp á hjá fátæklingi sem býr á móti þeim ríka og er samstundis boðið inn. Drottinn launar örlæti fátæka mannsins með því að færa honum þrjár óskir.

Í ævintýrinu um Úlfinn og kiðlingana sjö þarf geitamamma að skilja kiðlingana sína sjö eftir eina heima þegar hún fer út í skóg að leita að æti. Hún þekkir vel hætturnar sem leynast fyrir utan og varar kiðlingana við lævísa úlfinum sem býr úti í skóginum. Kiðlingarnir lofa að gæta sín og hleypa engum inn um dyrnar nema mömmu þeirra. Ekki leið þó á löngu þar til barið var að dyrum og dularfull rödd kallar og reynir að lokka þá til að hleypa sér inn.

Eftir 7 ára vist hjá húsbónda sínum þótti Hans kominn tími til að halda heim til móður sinnar. Hans hafði verið trúr og dyggur húsbónda sínum sem færði honum vænan gullhnullung að launum. Með níðþungan gullhnullunginn heldur Hans af stað heim á leið. Á leiðinni hittir hann nokkra vegfarendur sem bjóðast til að létta byrðinni af honum. Hann bíður ekki boðana og skiptir gullhnullungnum út fyrir hest, hestinum fyrir belju og beljunni skiptir hann út fyrir grís. Svona heldur hann áfram þar til hann stendur eftir allslaus - laus við allar byrðar.

Í ævintýrinu um Skraddarann ráðagóða segir frá ungri drambsamri kóngsdóttur sem lagði gátur fyrir alla biðla sína en engum þeirra tókst að ráða þær. Þegar litla ráðagóða skraddaranum tókst hið ómögulega, að ráða gátu kóngsdótturinnar, varð uppi fótur og fit í höllinni. Kóngsdóttirin leggur því aðra þraut fyrir skraddarann sem nú þarf að dvelja í bjarnarbúri eina nótt. Komist hann lifandi frá þeirri raun mun kóngsdóttirin standa við orð sín og giftast honum. Nú reynir á ráðagóða skraddarann gegn birninum ógurlega.

Krabbi var fátækur bóndi sem aflaði aukatekna við að selja við. Einu sinni sem oftar lá leið hans til borgarinnar til að afhenda viðarhlass til læknisins. Þegar þangað kemur og hann sér hvar læknirinn gæðir sér á kræsingum miklum óskar hann þess innilega að vera líka læknir. Aðspurður segist læknirinn geta gert bóndann að lækni á svipstundu. Hann þurfi bara að festa skilti á hurðina hjá sér þar sem stendur að þar búi alvitur læknir.